Biére Du Boucanier eða bjór sjóræningjanna eins og nafnið þýðir er eki árennilegur við fyrstu sýn.  Tannlausi kappinn með leppinn utan á flöskunni fær mann til að halda að flaskan hafi einhvern ruddabjór að geima eða jafnvel romm.  Þegar tappinn er fokinn og þessi brúni mjöður er ofan í glas komið mætir manni hins vegar mjög þróttmikil lykt sem minnir helst á seytt rúgbrauð með ögn sveskjum og sætu alkóhóli og svo lurir humallinn í bakgrunni.  Í munni  er þessi sjóræningi afar bragðmikill með miklu sætu rúgbrauði, þó nokkuð vínlegum karakter og sætum ávaxtarkeim.  Þrusu fylling er í þeim þessum og svo er eftirbragð með ólíkindum ljúffengt og gott.  Ég get vel mælt með þessu öfluga og spennandi öli