Ég veit ekki alveg sögu þessa bjórs en hann kemur frá litlu fjölskyldubrugghúsi á Fjóni er Refsvindinge heitir en þar hefur verið bruggaður bjór síðan 1905.  Svo virðist sem Den Gamle By hafi valið þennan bjór til sölu í bænum sem er eins konar þjóðminjasafn hér í Árósum og ætti það nú að teljast góð meðmæli eitt og sér.  Í nefi minnir hann helst á Egils malt.  Sætt en humlað. Ekkert sem minnir beint á öl á tungu eða yfirgerjaðan bjór eins og þeir segja að þetta sé.  Þetta er frekar einfaldur bjór í þeim skilningi að bragð er ekki fjölbreitt og flókið eins og oft er með ölið. Allt frútt vantar.  Minnir helst á góðan lager eins og Carls Special eða jóla Tuborg.  Fín fylling með ljúfu eftirbragði.  Nettir humlar og lítill biturleiki.  Þegar bjórinn hitnar þá fer hann líka að þynnast smám saman og gefur ögn sætan maltkeim.  Í heildina ansi góður danskur bjór sem ætti hins vegar að titla sem lager frekar en yfirgerjað öl.