Leffe Blonde er einn af hinum rómuðu klausturbjórum Belgíu og líklega með þeim þekktari.  Þó þetta sé ekki ekta munka öl (Trappist) þá hefur bruggunarferlinu verið viðhaldið frá klausturtímanum, eins og unt er og útkoman er þetta fallega ljúffenga öl.  Leffe Blonde sem svipar mjög til Leffe Bruin  er mjög bragðmikið öl með miklum ávöxtum á borð við epli og perur jafn í nefi sem og á tungu.  Hann er vel fyrirferðarmikill í munni með massíft bragð sem dúllar við bragðlauka og góm og gefur svo kitlandi og ljúft, sætt eftirbragð sem fjarar út með söknuði. Þetta er án efa með betri bjórum sem ég hef smakkað og af krananum er hann fullkominn.

ATH nú fæst þetta frábæra öl á krana á Íslandi, m.a. á Cafe Kultura!