Það er alltaf gaman þegar maður dettur niður á gullkorn í lagerfjölskyldunni, hér er einmitt  eitt slíkt.  Menabrea Ambrata er koparlitaður amber sem skartar fínni þéttri og varanlegri froðu. Í nefi eru grösugir humlar.  Munnur lurir á miklum keim með spriklandi humlum og kolsýru.  Humlar og sætt malt koma hér fram í fínu jafnvægi og gefa þægilega beiskju en jafnframt pínu sætu í formi karamellu eða toffee en einnig dálítil heytugga. Ágætis snerpa, fín mýkt og heilleiki. Pínu málmur. Meðalfylling og ljúft ljúft eftirbragð sem varir ágætlega. Mjög góður lager verð ég að segja og sem slíkur fær hann hjá mér fína dóma eða heilar 4 krúsir. Hafa ber þó í huga að hér er dæmt sem lager.  Þegar flöskunni lýkur þá er ég bara dálítið súr yfir að eiga ekki meira.  Hmmm.