Paulaner er eitt af stóru brugghúsum Munchen og þeir brugga ár hvert einn af Oktoberfest bjórum hátíðarinnar.  Bjórinn er sterkur í alkóhóli og í bragði þó án þess að vera rammur eða sprittaður.  Humlar vel merkjanlegir en samt er bjórinn í mildari kantinum.  Vottar fyrir hunangi í bakgrunni.  Fylling er í meðallagi þannig að maður getur þambað þennan í lítravís án þess að rifna (fínn session).  Fínn bjór sem smellpassar með svínaskönkum, kjúkling og öðru ætilegu á Oktoberfest. Já annars er bjórinn svona dálítið aukaatriði þegar kemur að Oktoberfest, amk fyrir flesta hátíðargesti því þar snýst allt um að syngja og dansa og vera glaður.  Bjór er bara ágæti leið til að komast á þetta "gleðistig" sem fyrst.  :)