Nú er svo komið að ég er loksins farinn að skoða hinn víðáttumikla Bandaríkjamarkað sem er eins konar mekka örbruggsins.  Ég rakst á þetta dularfulla brugghús, Rogue, í bók eftir meistara Michael Jackson.  Miðarnir eða umbúðirnar eru frekar fráhrindandi og það eitt gerir bjórinn í mínum augum enn meira spennandi.  Þessi bjór sem bruggaður var í tilefni "dags hinna dauðu" (gömul Maia hefð) er hinn ljúfasti mjöður.  Í nefi má finna mikinn keim af sumarblómum og hunangi sem er afar viðeigandi þar sem um maibock er að ræða sem bruggaður er til heiðurs vorsins. Í munni er um mildan bjór að ræða, góð fylling og léttir humlar með smá IPA keim. Sætt malt, hunang og kannski karamella.  Mjög vel hannaður bjór!